"GURE LEKUA, ZUONA" BIDEOKLIPA

Aurretik esan genizuen, Andra Mariko LH 6ko ikasleekin batera kantu bat sortu genuela. Lehenengo abestiaren letra sortu, Musika gelara grabatzera etorri ziren eta hemen daukazue azken pausua: bideoklipa.

Bideoklipean argazki eta bideo desberdinak uztartu ditugu. Bideokliparekin erreleboa irudikatu nahi dugu. Batzuk badoazela, baina berriak badatozela. Itzel pasatu dute nagusiek zein txikiek. Datorren urtean errepikatu nahiko genuke.

Zorionak 2. Batxilergoko eta LH 6ko ikasleei! Artista hutsak zarete!

Zorte on bide berri honetan!

 Bideoa, hurrengo estekan daukazue: https://drive.google.com/open?id=0B1sToO6o_-egRFdJeUJfbVF4b3M

BATX 2koen AGURRA

Ostiralean, merendolarekin batera ikasturtea itxi genuen. Modu borobila agurtu ahal izateko. 

Urteak dira elkar ezagutzen dugunetik, une onak zein txarrak igaro ditugu, baina aparteko belaunaldia izan zarete! Itxagonero eta Musikero autentikoak!

Etapa guztiek bukaera izaten dute, eta orain bakoitzak bere bidea hautatuko du: unibertsitatea, lanbide heziketa,... Ostiralean esan genizuen bezala, onena opa dizuegu eta ez zaitezte gurekin ahaztu! Hemen daukazue, ostiralean agur moduan jarri genizuen bideoa. 

Zorte on eta zuek nahi duzuen arte!!!

BATX 2ko IKASLEAK, ANDRA MARIN

Batxilergoko ikasleek ikasturtea bukatu dute. Baina urteari amaiera borobila emateko, Andra Marira joan ginen gure emanaldia eskeintzera. Aurten sei abesti egin ditugu, eta Andra Mariko 6.mailako ikasleekin batera beste abesti bat sortu dugu, gutxi barru, bideoklip itxura hartuko duena. 

Oroitzapen gozoak, gure ikasleetako askok, bertan ikasi zuten eta polita izan da klaseko azken egunean eskolara bueltatzea. 

Guk ederto pasatu genuen, eta bertako ikasleek zer esan! DBH 4koak noiz joango diren itxaroten daude! 

Bertan daukazue emanaldiko bideoa. 

2.BATXILERGOKO IKASLEAK JO TA SU LANEAN!

Batxilergoko ikasleentzat ikasturtea bukatzear dago, baina jo ta su lanean dabiltza. Datorren ostiralean emanaldia izango dute eta grabatzen hasiak gara diska osatuko dituzten kantak. Hementxe uzten dizkizuegu pare bat bideo.

EMAKUMEAREN EGUNEKO BIDEOA TELEBERRIN!

Berri pozgarri batekin gatozkizue. Dakizuen bezala, pasa den astean Emakumearen Egunerako prestatu genuen bideoa eta kanta aurkeztu genizuen. 

Ez dakigu nola, baina martxoaren 8ko gaueko Teleberrian gure bideoaren zatitxu bat atera zuten eta Aixerrotari aipamena egin zioten. 

Zorionak Batxilergoko 1 eta 2.mailako musikeroei! 

Hemen Teleberriko bideoa ikusgai.

MARTXOAK 8 , EMAKUMEAREN EGUNA

Gaur Martxoak 8 ospatzen da, Emakumearen Eguna. Hori dela eta Musikako 1. Batxilergoko ikasleen ekimenez, gure ekarpentxoa egin dugu, urteetan eta gaur egun emakumeen eskubideen alde lanean jardun direnei.

Eddy Grant-en "Gime hope Johanna" kantuari Batxilergoko 1 eta 2.mailako ikasleek letra eta musika jarri diote eta jarraian duzuen bideoa egin dugu.

Bideoan agertzen direnak, emakume gutxi batzuk dira, baina egunerokoan hainbat emakume ezagun zein anonimo Emakumeen eskubideen alde lanean dihardute.

Gogoratu, Martxoak 8 egunero izan behar duela!

"SANTA AGEDA", EDU ZELAIETAREN ARTIKULUA

Aste honetan Argia aldizkarian, Edu Zelaietaren artikulu hau topatu dugu. Hausnarketarako egokia.