jueves, 18 de diciembre de 2014

URTE BERRI ON!

Abendua, eta egutegiari egun gutxi geratzen zaizkio 2014a bukatzeko.

Musika mintegiarentzat urte garrantzitsua izan da, proiektu desberdinak aurrera atera dituelako. Nahiz eta lan pila izan, gustora gabiltza eta badakigu 2015 urte oparoa izango dela, gehien bat, gure ikasleei esker. 

Berbabanda bukatu zenean, ikasleak "orain zer?" galdetu ziguten. Urtea zoriontzeko postala prestatzea bururatu zitzaigun, postal musikatu bat. "Ho hey" kantua aukeratu genuen, letra berria sortu eta kaosa iritsi zen!

Bateria, gitarrak, pianoa, bibolina, kutxa flamenkoak, ukelea, kableak, "jack" eta "minijack" (jada gure lagun bihurtu dira!), mikroak... Bi aste hauetan Musika gela desastrea izan da. Bi aste hauetan izan dugun lan erritmoa beldurtzekoa izan da, baina gaur gure postala "erditu" dugu!

Esker bereziak eman nahi dizkiegu DBH 4 eta Batxilergoko musikariei! Lan itzela eta bikaina! Teknikoki ez da bideo bikaina, baina era batean edo bestean, musika nola bizi dugun transmititzen du, gure alaitasuna, gure lana... Eta ez dago zer hoberik zuekin elkarbanatzea baino!

URTE BERRI ON!!!


martes, 9 de diciembre de 2014

BERBABANDA, ESKERRIK ASKO!!!

Batzuk pentsatuko duzue kristolako "kaparrada" eman dugula Berbabandarekin, etxekoek testuak buruz ikasi dituzte,... Baina abenduaren 3a di-da  batean iritsi zen.

Esan beharra dago, nahiko ikaratuta joan ginela. Sarrerak agortuak, Andres Isasi Musika Eskolako aretoa topera, gure lagun, familia, lagunak eta lankideak urduri, 45 musikari gure esanetara... Langa oso altu, baina uste dugu komunikabideek iragarri zuten arrakasta lortu genuela. 

17:30etan aretoan geratu ginen. Denok beltzez, elegante, nola ez! Egunak ez zuen gutxiago merezi! Entsaio txiki bat egin genuen, kalera atera, baretu eta uste baino lehenago momentua iritsi zen. Hemendik Joxiri, Euskara Zerbitzuko teknikariari, gure eskerrak eman dizkiogu egindako aurkezpenengatik. Musika hasi baino lehen, batzuk hunkitu ginen. Hilabete askotako lana izan da, eta sentimenduak puri-purian genituen. 

West Side Story, Queen, Abba, Sorotan Bele... Soinuak une batzuetan kale egin zigun, baina esan beharra dago, oso ondo geratu zela eta bertaratu zirenek asko gozatu zutela. Zenbat testu, entsaio, entonazio uneak, barreak, haserreak, negarrak... Baina emaitza ikaragarria, giroa ezinhobea eta gogoz esperientzia berriro ere errepikatzeko.

Jarraian, egun horretan egindako argazkiekin egindako muntaia txiki bat ikusgai duzue. Milesker eta gora Berbabanda! 


lunes, 1 de diciembre de 2014

SARRERAK AGORTUTA!!!

Pare bat egun Berbabandarako!

Urduritasuna nabari da, baina badakigu saio itzela aterako dela. Hiru hilabete hauetan egindako lana izugarria izan da eta orain taularatzea baino ez da geratzen.

Dakizuen bezala, asteazken honetan izango da eta berri oso on batekin gatozkizue: sarrerak agortu dira! Aforoa bete da, 300 entzule! Eta ez pentsa guztion aitite-amamak datozenik, Kultur Etxean eta Musika Eskolan 200 sarrera banatu dira. 

Jarraian, azken astean komunikabideetan ateratako estekak dituzue. Argazkian, Beñat Matos eta Ane Arriaga Euskadi Irratian. 

Funtzioa hasteara doa! 


jueves, 20 de noviembre de 2014

BERBABANDA

Aurreko post batean, hainbat liburu ikusi zenituzten, pista bat eman genizuen, 2. Batxilergoan zeozertan genbiltzala. Argitzeko garaia heldu da. Irailetik proiektu oso garrantzitsu batean murgildu ginen, eta laster, emaitza ikusiko duzue.


Izenburuak esaten duen bezala, "Berbabanda" ikuskizuneko protagonistak izango gara, Getxoko Andres Isasi Musika Eskolako Bandarekin batera. Ekitaldia, Getxoko Euskara Zerbitzuaren ekimenez sortutakoa da. 

"Berbabanda"-n Musika eta Literatura uztartuko ditugu. Musika Bandak, errepertorio bat eman zigun, eta guk kantu horiek testuz hornitu ditugu. Bandak jotzen duen bitartean, testuak irakurriko ditugu. Mota guztietako testuak: elkarrizketa biziak, maitasuna testuak, hausnarketara bideratuta daudenak,... Musikarekin bat datozen testuak. 

Getxo artistaz beterik dago eta euskal idazleak ere ugariak dira. Laura Mintegi, Iñaki Friera, Unai Elorriaga eta Irati Elorrieta idazleei, ekitaldi honetarako testu bana eskatu genien. Esan beharra dugu haien erantzuna oso positiboa izan dela eta testu ederrak bidali dizkigutela. Era batera edo bestera, Aixerrotarekin lotura dute: bertako guraso edo ikasle ohiak  direlako. Hemendik, gure eskerrik beroenak! 

Ekitaldia, abenduaren 3an izango da, 19:30etan, Andres Isasi Musika Eskolan. Bertaratzeko asmoa baduzue, gonbidapenak Andres Isasi Musika Eskolan edo Kultur Etxean eskuratu ditzakezue. 




lunes, 17 de noviembre de 2014

ATOMIC BOY BLUES ANDRES ISASIN

Ostiralean, Areetako Andrés Isasi Musika Eskolan "Atomic Boy Blues" taldea entzuteko aukera izan genuen. Kontzertu hau Zentzura at! festibalean kokatuta dago. Rock talde gazte honek orain urtebete bullyng-ari buruzko abesti bat egin zuen. DBH 4ko Tutoretza saioetan gai hau landuko denez, interesgarria iruditu zitzaigun.

Pena bat izan zen soinua ez izatea espero bezain ona, baina txundituta geratu ginen gazte hauek eszenatoki gainean erakutsitako heldutasunagatik, kantu ezagunen bertsioak ezinhobeak izan ziren. Asko gozatu genuen kontzertuan!

Eta esan daiteke, DBH 4ko ikasleen artean fan talderen bat ere lortuko zutela...




martes, 4 de noviembre de 2014

Musika eta Literatura elkarlanean

Nork esan du Musika eta Literaturak ez dutela bat egiten? Nork esan dezake ez direla bikote perfektua?

Adibidea hementxe daukazue. Gaurko Berria egunkarian, Gose taldeak argitaratu duen proiektu berriaren zehaztasunak dakartza. Letrak Joseba Sarrionandiaren testuetatik jaso dituzte. Bertan, esteka: http://www.berria.eus/paperekoa/1753/030/001/2014-11-05/gosea_asetzeko_artefaktu_bat.htm

domingo, 19 de octubre de 2014

2. BATXILERGOAN ZERBAIT GERTATZEN ARI DA...

Apurka-apurka jakingo duzue zer daukagu esku artean...
                                            

jueves, 9 de octubre de 2014

"MUNDUKO BERTSOLARITZA" PROIEKTUKO ESPERIENTZIA IKASLEEK KONTATUTA

Uste baino gehiago kostatu zaigu, baina hemen daukazue orain aste batzuk agindu genizuen bideoa. Bertan, pasa den urtean DBH 4ko ikasleek bizitako esperientzia kontatzen digute. Eskerrik asko Inari, Oihane, Olate, Shaula, Monika, Andere eta Leire zuen pazientziagatik!

Eta milesker, pasa den urtean parte hartu zenuten ikasle guztioi!

EKIN!!!



lunes, 22 de septiembre de 2014

PRIMIZIA!!!

Askotan, errezagoa da irudi batekin adieraztea sentitzen duguna hitzekin baino... Zer hoberik aurreko ikasturteko ikasleei galdetzea haien esperientziari buruz. Hemen aurrerapena daukazue, aste honetan zehar bideoa eskegiko dugu.


viernes, 12 de septiembre de 2014

BATXILERGOKO ARTISTAK

2013-2014an lehen aldiz Musika arloa eskeini genuen Batxilergoan arrakasta itzela lortuz! Aiiii zenbat botatzen ditugun faltan gure artistak!
 
Ekintza desberdinak aurrera eraman zituzten, ikastetxe guztia inplikatuz. Lipduba, Euskara Saria, Gabon jaia, Santa Ageda, Bertso movie da!, emanaldiak ikastetxeetan,... Eta horrez gain, haiek egindako kantuen CD-a argitaratu zuten, hunkitu gintuzten kantuekin...
 
Hemen daukazue laburpena! Zuen bisita itxaroten gaude!  

 
 

"MUSIKARI BAT ADOPTATU" kontzertua Bilboko Orkestra Sinfonikoarekin

Oraingoan, gure pasa den urteko DBH 4ko ikasleen maisu lan batekin gatozkizue! Bigarren urtea izan da, Bilboko Orkestra Sinfonikoarekin batera, "Musikari bat adoptatu" programan parte hartu dugula.
 
Zertan datzan programa hau? Musika lan ezagun bat hartzen da, kasu honetan, Berlioz-en "Sinfonía fantastikoa", eta ikasleek haien interpretazioa egiten dute musika tresna desberdinekin. Ikusita gure ikasleen gaitasunak, musika tresna desberdinak erabili genituen: saxofoia, bonbardinoa, gitarra, baxua eta perkusio tresna ugari. Gure ikastetxera, Luis Alberto Requejo klarinetista etorri zen eta berarekin sortu genuen gure pieza.
 
Maiatzaren 10ean egun handia iritsi zen! Gure hilabetetako lana, Bilboko BBK aretoan plazaratu genuen. Bertan irakasleak, ikaskideak, familia, lagunak... egon ziren. Eta egia esateko, oso kontzertu ona atera zen!
 
Hemen daukazue bideoa ikusgai!
 
 

miércoles, 10 de septiembre de 2014

2013-2014, DBH 4ko errepasoa

Hemen daukazue aurreko ikasturtean, DBH 4ko ikasleek Musika arloan burututako ekintzak. Gozatu bideoarekin eta zorionak egindako lanagatik! Biba zuek!!!


ONGI ETORRIAK GURE TXOKORA!!!

Erabakia hartu dugu: hemen daukazue Aixerrotako Musika ikasgaiko bloga! Egin, ez egin... beti dudan, baina hementxe dago!

Zer topatuko duzuen hemen? Musikari buruzko berriak, Musika arloan egiten ditugun proiektuak ezagutuko dituzue, gure ikasleak lanean ikusiko dituzue... 

Ongi etorriak!!!